A nosa “Orquesta de señoritas”, contada dende a nosa propia realidade, a postguerra española, evoca e rende homenaxe a un xénero que xa se foi. O mal chamado "xénero frívolo", as varietés, visto dende a España desa época móstranos as luces e sombras, as do escenario e as da vida, destas pobres mulleres?
A través da música e as cancións reconstruímos a memoria emocional que no medio do panorama desolador daqueles anos, nos evoca unha época brillante, vital, desinhibida. Recordos da belleépoque. Aqueles tempos do cuplé permanecen imborrables na nosa memoria.

Despois do éxito de "Un cranio furado", a compañía Producións Teatráis Excéntricas regresa a Leenane, a terra do oeste de Irlanda na que pode pasar de todo.
Os protagonistas son Valene e Coleman, dous irmans que mal voltan do enterro do pai, comezan a disputar o que o vello deixou, convertendo a casa nun campo de batalla.
É como un western doméstico ao que asisten como espectadores o atónito cura, o padre Welsh, que non entende nada, e a escéptica Girleen, unha esperta rapariga da aldea, que o entende todo. No fundo de todo este asunto agáchase un magnífico crime, como en todas as obras de Martin McDonagh.

3D tres é a quinta  producción propia da historia do Centro Coreográfico Galego  e a primeira asumida baixo a  dirección artística e de xestión de Mercedes Suárez.
Tony Fabre, Ángel Rodríguez e Amaury Lebrun conforman o trío de coreógrafos que asinan cada unha das partes de 3Dtres. Os excompoñentes – entre outras- da Compañía Nacional de Danza na época de Nacho Duato, prestan o seu talento creativo ao CCG como autores, respectivamente, das pezas Honey Moon, Dulce Memoria e Magnificai.
Diferentes músicas, temas,  vestiarios e postas en escenas identifican  cada unha destas coreografías, que teñen como denominador común a técnica empregada polas cinco parellas de intérpretes (un  estilo contemporáneo sobre unha sólida base de danza clásica) e  o traballo integrador de Mercedes Suárez como directora.

Brussels Virtuosi, agrupación internacional de novos e dinámicos músicos, fundouse en 1981 por iniciativa do frautista belga Marc Grauwels. O seu primeiro concerto tivo lugar con motivo do acto inaugural do "Festival Musical Internacional de Verán da Cidade de Bruxelas 81". A crítica foi unánime tanto para festexar o acontecemento como para gabar as grandes calidades do grupo.
Entresacamos a seguinte frase citada na prensa do momento: «The Brussels Virtuosi, un nome que dende agora os melómanos deberán reter na súa mente...»