Este programa, a cargo do guitarrista ourensán Marcos Díaz, presenta unha selección de obras musicais de destacados compositores españois e suramericanos, nacidos entre a segunda metade do século XIX e principios do XX.
Estas pezas foron na súa maioría concibidas orixinalmente para guitarra.
O “I Festival de música Ourenclásica” nace con diversos obxectivos: Aumentar a oferta de concertos de música na cidade de Ourense, contar con músicos con sólida traxectoria internacional, poñendo en especial valor aos propios intérpretes galegos e ofrecer un repertorio de interese e atractivo para o público.
Esta primeira edición do festival conta cos músicos ourensáns José Manuel Álvarez Losada, violinista, e Marcos Díaz, guitarrista, ambos cunha carreira internacional que lles levou a actuar por todo Europa, así como en América e Asia. Tamén actuará Manuel Burgueras, pianista de Montserrat Caballé e con prestixio internacional no mundo da lírica. Finalmente a soprano Catina Bibiloni e o pianista Juan Carlos Cornelles, especializado na interpretación de música española, pechan o elenco de artistas que actuarán nestes concertos.
A primeira edición do festival estará enfocada especialmente na música española.
