A Real Filharmonía de Galicia é unha orquestra filarmónica con sede en Santiago de Compostela. Pertence á Asociación Española de Orquestras Sinfónicas (AEOS).
O traballo e obxectivos da Real Filharmonía de Galicia ven reforzados coa Escola de Altos Estudos Musicais, proxecto pedagóxico de formación de músicos de alto nivel xestionado polo Instituto Galego das Artes Escénicas e Musicais (IGAEM).
A proposta de Helena Cánovas abre un concerto iluminado por un Mozart de tan só 22 anos, que en 1778 vive un ano tráxico, cando a súa nai morre en París mentres o acompañaba nunha xira. A beleza e perfección do Concerto para frauta núm. 1 elévanse por encima da adversidade, contradicindo a idea tan manida de que o músico sentía aversión por este instrumento de vento.
Autodidacta e cunha desbordante cultura, Francis Poulenc deixou unha inmensa obra, cada vez máis valorada. Guiado polo seu amor a Bach e apegado á melodía como referente a reivindicar, compuxo en 1947 a Sinfonietta, unha obra ecléctica, de magnífica orquestración, que recolle distintos estilos nunha exquisita atmosfera neoclásica.
-Helena Cánovas Parès
Time painting* (proxecto Cometas)
*Obra encargo da RFG. Estrea absoluta.
-Wolfgang Amadeus Mozart
-Concerto para frauta núm. 1 en Sol maior, KV. 313 (285c)
I. Allegro maestoso
II. Adagio non troppo
III. Rondo: Tempo di menuetto
-Francis Poulenc
-Sinfonietta
I. Allegro con fuoco
II. Molto vivace
III. Andante cantabile
IV. Finale: Prestissimo et tres gai
