A Real Filharmonía de Galicia inicia o seu camiño en Santiago de Compostela en 1996.
Con sede no Auditorio de Galicia e xestionada polo Consorcio de Santiago, mantén unha tempada de abono estable. Ao longo da súa traxectoria acompañárona os máis destacados directores, cantantes e instrumentistas do mundo. Realizou xiras e concertos en escenarios de Alemaña, Austria, Francia, Brasil, Arxentina, Cuba e Portugal, país co que mantén unha estreita colaboración. Comprometida co territorio ao que presta servizo, actúa asiduamente por toda Galicia.
“EXSULTATE JUBILATE”:
O presente e o pasado danse a man neste programa con obras contemporáneas e do gran repertorio. En Saturnal, de Manuel Balboa, aflora a estética intimista e o uso tan persoal das cores tímbricas que impregnan as obras orquestrais do músico coruñés, falecido no 2004. Galicia está tamén presente en Lúa descolorida, peza para voz e orquestra composta polo arxentino Osvaldo Golijov sobre o poema de Rosalía de Castro, escrita cun exquisito sentido lírico. A voz feminina protagoniza tamén o motete mozartiano Exsultate Jubilate, unha das pezas vocais máis festivas e coñecidas do salzburgués, escrito orixinariamente para castrato. O concerto remata coa Sinfonía núm. 6 de Franz Schubert, unha das obras máis italianizantes do mestre vienés que nunca chegou a escoitala en vida.
Programa
Manuel Balboa: Saturnal
Osvaldi Golijov: Lúa descolorida
Wolfgang Amadeus Mozart: Exsultate Jubilate, K.165 (158a)
*** PAUSA***
Franz Schubert : Sinfonía núm. 6 D.589, en Do Maior
- Título: REAL FILHARMONÍA DE GALICIA “EXSULTATE JUBILATE”
- Dirección: Maximino Zumalave
- Elenco: Artista invitada: Carmen Buendía, soprano
- Data/s:
- 15 Dec 2023
- Hora/s:
- 20:00 h.
- Duración:
- 75'
- Descanso:
- Si
- Público:
- Todos
Organiza / patrocina
Deputación Provincial de Ourense
Teatro Principal de Ourense
Real Filharmonia de Galicia - Consorcio de Santiago
Taquilla do teatro
• Dúas horas antes do comezo da función.
Reserva en liña
• Venda habilitada ata o mesmo día da representación da función.
• Horario continuo a partir do día 11 de xullo de 2023.
Modalidades de pago
• Tarxeta en reservas en liña.
• Efectivo e tarxeta en despacho de billetes.
Aviso importante
• Nenos menores de 6 anos deberán ocupar: Butaca de patio ou platea.
• Nenos de 6 a 10 anos deberán ocupar: Butaca de Patio, Platea ou 1º Piso.
• Infórmase a todos os espectadores que adquiran a súa entrada a través de internet e precise ser cambiada no despacho de billetes por entrada física, que deberán retirar a súa entrada no despacho de billetes do teatro o mesmo día, dúas horas antes da función. Unha vez comece a función non se despacharán entradas nin se poderá acceder ao recinto.
• Só se permite o acceso a animais guía.
