AMALIA Y EL RÍO - FESTIVAL INTERNACIONAL DE TEATRO DE OURENSE (FITO)

Baseada en feitos reais, esta é a historia de Antonia “La Lirina”, veciña de Olivenza. Sucede na fronteira estremeña con Portugal, entre Olivenza e Badajoz, durante os anos 1942 e 1964. Un retazo vivo das historias do contrabando en España, protagonizado por unha muller forte, intelixente, socarrona e astuta que pelexou por manter a súa dignidade e o seu dereito ao traballo nun mundo profundamente machista.
No escenario dous personaxes: Amalia, que transita entre o presente e o pasado revivindo a súa vida, e o Home de Pedra, que xorde dos recordos da protagonista, representa o poder patriarcal, a masculinidade. Crea atmosferas, susurra, canturrexa, dialoga con Amalia.