ARIZONA

2 NOMINACIONS PREMIOS MAX 2016 George e Margaret deben defender as súas fronteiras. Os veciños están aí, axexando, esperando a cruzar ao mínimo descoido. Pero, cando Margaret comeza a facer demasiadas preguntas, a comedia musical que era a súa vida tórnase unha salvaxe traxedia. “Fronteiras, malditas, aquí e alá, malditas, en cada recuncho do planeta, malditas, invisibles ou sólidas, malditas, diques de contención de xentes que foxen desesperadamente, malditas, espello da nosa vergoña, malditas...". Arizona non está tan lonxe. Arizona está aquí, en Ceuta, en Melilla, en cada unha das nosas cidades, en cada muro que se levanta para impedir que un ser humano acceda a unha vida mellor.