BABEL

Dúas mulleres enganan os seus maridos á mesma hora en que eles as están a enganar. Matrimonios a punto de naufragar nos que todos senten que necesitan algo distinto pero non é doado admitir a derrota, admitir que o amor rematou. BABEL é un traballo absorbente sobre a confianza e a traizón, o amor, o desexo e a culpa. Unhas vidas que quedarán ao nu e uns segredos que se desvelarán cando o detective Leo Torres trate de descubrir por que unha muller decidiu subir ao coche dun descoñecido en plena noite e nunha estrada secundaria. Nove complexos personaxes para catro grandes actores. Un universo de vidas que se cruzan. Unha BABEL de historias.