CONCERTO DA WIND ROCK BAND - CONSERVATORIO PROFESIONAL DE MÚSICA DE OURENSE

A Wind Rock Band do Conservatorio Profesional de Música de Ourense comeza a súa andadura no curso 2023/2024 coa intención de mesturar a formación propia da banda de música de vento coa formación clásica dunha banda de rock (teclados,batería, guitarra eléctrica, baixo eléctrico e vocalista) e poder así interpretar grandes clásicos do rock con arranxos para esta formación.
Da man do seu director, Emilio Vázquez, celebrou o seu concerto de presentación no Teatro Principal de Ourense, volvendo actuar o día 16 de xaneiro neste mesmo espazo cun repertorio que incluirá a bandas icónicas como Queen, AC/DC, Guns N ́ Roses ou Metallica.
Este ano conta coa colaboración do CIFP Portovello e o IES 12 de Outubro.