ALTA COSTURA - FESTIVAL INTERNACIONAL DE TEATRO DE OURENSE (FITO)

ALTA COSTURA é un espectáculo irónico e poético sobre a moda e a súa estreita relación co consumo, o recoñecemento social, a contaminación, a saúde e as condicións laborais. ALTA COSTURA dá unha especial importancia aos mecanismos de venda e á relación contemporánea que o gran público ten co acto de mercar e de tirar roupa. ALTA COSTURA é unha creación de teatro físico e visual que se detén detalladamente na lóxica da  fast-fashion. Se a moda é un xeito de expresión persoal e vestirse está ligado a ritos e sensibilidades, como puidemos chegar ao punto en que o 35% da contaminación dos mares provén dos residuos que liberan os tecidos sintéticos ao lavarse?