No horizonte de 2025, o Festival Internacional de Teatro de Ourense (FITO) eríxese novamente como un baluarte da cultura democrática e unha plataforma dinámica onde converxen múltiples xéneros, experiencias vitais e formas de expresión artística, tecendo pontes de comunicación tanto co seu público fiel, que ano tras ano agarda esta cita, como con aqueles que aínda non descubriron o seu atractivo singular.
Tras dezasete anos de traxectoria fértil, o FITO mantén intacta a súa ambición de expansión e influencia, deseñando unha programación que quere apertar á cidadanía no seu conxunto.
O Teatro Principal convértese, unha edición máis, no epicentro da experiencia, un espazo de encontro e diálogo propicio para abordar temas de profunda relevancia social. A selección de propostas busca estimular un debate construtivo e responsable no seo dunha comunidade que aspira á mellora continua, reconstruíndose sobre os piares da tolerancia, o respecto á pluralidade de identidades, a denuncia activa das desigualdades, a preservación da memoria histórica e a valorización das nosas raíces culturais.
