LUAR NA LUBRE en concerto

Despois de tres décadas de exitosa traxectoria, dezanove discos publicados, e ofrecido máis de 1.500 concertos, en máis de trinta países, Luar na Lubre converteuse nun dos grupos máis internacionais e de referencia da música folk. 

O grupo coruñés formado por Bieito Romero (gaitas, acordeón, zanfoña), Irma Macías (voz), Nuria Naya (violín), Patxi Bermúdez (bodhran, tambor), Pedro Valero (guitarra acústica), Xavier Ferreiro (percusión latina, efectos), Xan Cerqueiro (frautas) e Brais Maceiras (acordeón) regresa ao Teatro Principal de Ourense para facernos gozar do seu potente directo.