NILU significa “auga” no sur da India, no sur da India non hai auga.
NILU é unha viaxe de resiliencia, procura e amizade que nos convida a reflexionar sobre a nosa relación coa auga e tomar conciencia da necesidade de preservar e protexer este tesouro incalculable para as futuras xeracións.
Un espectáculo poético, innovador e diferente que emociona e dános paso a vivir a vida máis intensamente, aínda que sexa só nese instante. Convídanos a sentir, sorrir, valorar o que temos e fainos reflexionar cara a onde poderiamos ir se non cambiamos o rumbo dos acontecementos. A nai-terra estánolos dicindo, pídenolo a berros, que a coidemos ou quedaremos sen ela.
A auga, a natureza, as plantas e o ser humano únense neste espectáculo para descubrirnos un novo punto de partida, unha nova esperanza.
Descubriremos como desde o amor e o coidado si consiguiremos cambiar o rumbo e crearemos un novo mundo.
NILU é unha proposta multidisciplinar para público familiar, que combina as artes circenses coa maxia, o teatro de obxectos e a música en directo.
Poesía en movemento, un espectáculo que che seca a garganta e régache o corazón.
